Gudmund Skjeldal hadde fire eldre brør. Berre éin kunne ta over garden.
Den eldste valde å bli prest; den andre fekk bli bonden. Den tredje blei meister i langrenn, den fjerde vart ingeniør i olja. Grekarane
tala om dei grunnleggjande bestanddelane.
Omkring staden Skjeldal, og omkring lidenskapane til fire brør, knyter denne gripande familiesoga til seg den nyare norgeshistoria.
Mest ransakande: Kva har me gjort mot bøndene i Norge? Mot kyrne og mot sauene – som må stå aldri så lenge på slaktebilane?
Forfattaren går sitt eige liv etter saumane, og fortel om då hans eige sinn rakna i vaksen alder. Han fekk hjelp. Ein av brørne mista grunnen
under føtene.
Å vera barn på ein gard og fryda seg i arbeidet i lag. Å veksa opp i ein flokk og sjå søskena velja sine vegar vekk.
Å slåst med sine eigne tankar og med Gud.
Brør er ei sann soge om ville ambisjonar og djupe nederlag
