Dobbeltspel

Dobbeltspel handlar om dei spente strengane – i sporten og mellom menneska

Paul Dalby er ein talentfull, men påverkeleg ungdom frå Hamar som prøver å slå seg opp i den internasjonale tennistouren. Han blir trent av ein boksarlegende, Edgar Martens, som forlangar at han skal strenga racketen sin sjølv. Omkring desse to nordmennene står fiendar; dei prøver å fanga spelarane i sine nett. Paul veit ikkje anna råd enn å slå seg ut.

«Han fekk ein vill idé. Han bytte ball, drog opp den kvite frå lomma. Ingen såg det med det same. Han kikka til den venstre sida si, sikta seg inn. Han var Ferrero igjen. Han var Novak Djokovic. Han var Molla Bjurstedt, med kanonslaga hennar. Han løyste som snarast grepet sitt om racketen og knytte fingrane igjen.»

Gudmund Skjeldal har skrive ei mengd bøker om idrett. Dobbeltspel er hans første roman.

Dobbeltspel handlar om dei spente strengane – i sporten og mellom menneska

Gudmund Skjeldal

Gudmund Skjeldal (f. 1970) arbeider som historikar ved Norges idrettshøgskule. Han har vore slåttekar og skiløpar, lektor og klimakampanjeleiar, journalist og kommentator. Han er forfattar av 13 bøker, så som dei kritikarroste Den siste langrennaren (2005), Diktaren i bombeflyet, ein biografi om Nordahl Grieg (2012) og Wimbledon: Der graset er grønast (2017).